rehber Logo

کاہنہ پولیس نے کارروائی کرتے ہوئے فائرنگ سے شہری کو قتل کرنے کے مقدمے میں مطلوب اشتہاری ملزم کو دو سال بعد لاہور سے گرفتار کر لیا۔پولیس نے خفیہ معلومات کی بنیاد پر کارروائی کرتے ہوئے اشتہاری ملزم اسد فخرالدین کو محمد پورہ، چونگی امر سدھو سے ٹریس کرکے گرفتار کیا۔ملزم نے دو سال قبل پنڈی بھٹیاں میں فائرنگ کرکے عابد نامی شخص کو زخمی کیا تھا۔ فائرنگ کے نتیجے میں زخمی ہونے والا عابد زخموں کی تاب نہ لاتے ہوئے ہسپتال میں دم توڑ گیا تھا۔واقعے کے بعد ملزم اسد فخرالدین گرفتاری سے بچنے کے لیے روپوش ہوگیا تھا اور گزشتہ دو سال سے پولیس کو مطلوب تھا۔پولیس نے اشتہاری ملزم کو گرفتار کرکے مزید قانونی کارروائی شروع کر دی ہے۔