rehber Logo

لاہور میں سرکاری نرخ کے باوجود روٹی اور نان مہنگے داموں فروخت کیے جا رہے ہیں۔صارفین کے مطابق شہر میں سرکاری قیمت 16 روپے ہونے کے باوجود روٹی 20 روپے میں فروخت کی جا رہی ہے، جبکہ روٹی کا وزن بھی کم اور معیار بھی غیر معیاری ہے۔سادہ نان کی قیمت بھی 20 روپے سے بڑھا کر 30 روپے کر دی گئی ہے۔

پنجاب کے فوڈ سیکیورٹی حکام کا کہنا ہے کہ آٹے اور روٹی کی قیمتوں میں اضافہ نہیں ہونے دیا جائے گا، آٹا وافر مقدار میں دستیاب ہے اور قیمت بڑھانے کا کوئی جواز نہیں۔ روٹی اور نان کے مقررہ وزن اور معیار کو یقینی بنانے کے لیے چھاپے مارے جائیں گے۔

 متحدہ نان روٹی ایسوسی ایشن کے صدر آفتاب گل نےگفتگو کرتے ہوئے کہا ہے کہ آٹا، میدہ، ایل پی جی اور شاپنگ بیگز کی قیمتوں میں اضافہ ہو چکا ہے، اس لیے موجودہ سرکاری نرخ پر روٹی فروخت کرنا ممکن نہیں۔انہوں نے مطالبہ کیا کہ ضلعی انتظامیہ سادہ روٹی کی قیمت 25 روپے مقرر کرے۔