اسلام آباد ؛خوفناک ٹریفک حادثے میں 4 افراد جاں بحق

اسلام آباد کے علاقہ بہارہ کہو اٹھال چوک میں ٹریفک حادثے کے نتیجے میں 4 افراد جاں بحق ہو گئے۔ تیز رفتار کار دو گاڑیوں اور متعدد موٹر سائیکلوں سے ٹکرا گئی، حادثے میں 5 افراد زخمی بھی ہوئے۔پولیس کے مطابق ٹکر مارنے والی گاڑی مری سے اسلام آباد آ رہی تھی ، ٹکر مارنے والی گاڑی کا ڈرائیور موقع سے فرار ہو گیا، جاں بحق افراد کی لاشوں اور زخمیوں کو پولی کلینک اور پمز ہسپتال منتقل کر دیا گیا۔ متعدد زخمیوں کی حالت تشویشناک ہے۔