rehber Logo

یورپی ملک پولینڈ کے تاریخی شہر کراکو میں مسلح شخص کی فائرنگ سے 6 افراد ہلاک اور 15 زخمی ہوگئے۔ حملہ آور نے شہر کے مصروف ترین سیاحتی مقام پر گاڑی میں سوار ہوکر شہریوں پر اندھا دھند گولیاں برسائیں۔ پولیس نے جوابی کارروائی کے دوران ملزم کو زخمی حالت میں گرفتار کرلیا۔ واقعہ سہ پہر تقریباً 3 بجے شہر کے تاریخی مین مارکیٹ اسکوائر میں پیش آیا، جہاں سیاحوں اور مقامی شہریوں کی بڑی تعداد موجود تھی۔حملہ آور گاڑی چلاتے ہوئے مرکزی چوک میں داخل ہوا اور مختلف مقامات پر لوگوں کو نشانہ بناتے ہوئے فائرنگ شروع کر دی۔ اچانک گولیوں کی آوازیں سن کر علاقے میں بھگدڑ مچ گئی اور شہری جان بچانے کے لیے قریبی دکانوں اور عمارتوں میں پناہ لینے لگے۔