rehber Logo

وزیر آباد میں دریائے چناب میں کشتی الٹنے کا حادثہ پیش آیا، جس کے نتیجے میں ایک شخص جاں بحق ہو گیا, ریسکیو ذرائع کے مطابق کشتی میں پانچ افراد سوار تھے۔ریسکیو اہلکاروں نے کارروائی کرتے ہوئے تین افراد کو بحفاظت نکال لیا، جبکہ ایک شخص کی لاش بھی نکال لی گئی ہے۔ پانچویں شخص کی تلاش کے لیے ریسکیو آپریشن تاحال جاری ہے۔ریسکیو ذرائع کے مطابق کشتی میں سوار تمام افراد بغیر لائف جیکٹ کے سفر کر رہے تھے۔ حادثہ تیز رفتاری کے باعث موڑ کاٹتے ہوئے پیش آیا۔

حکومت پنجاب کی جانب سے پابندی کے باوجود دریائے چناب میں کشتی رانی کا سلسلہ جاری رہنا ضلعی انتظامیہ کی کارکردگی پر سوالیہ نشان ہے۔