rehber Logo

یوکرین کے صدر ولودیمیر زیلنسکی نے کہا ہے کہ روس کے بڑھتے ہوئے بیلسٹک میزائل حملوں کو روکنے کے لیے ان کے ملک کے پاس امریکا سے ملنے والے پیٹریاٹ میزائل سسٹم کی شدید کمی ہے۔

امریکی نشریاتی ادارےکو دیے گئے ایک انٹرویو میں زیلنسکی نے بتایا کہ یوکرین کو اس وقت امریکا کے موجودہ ذخیرے میں موجود میزائل شکن میزائلوں کا صرف 10 فیصد درکار ہے تاکہ روس کے تمام بیلسٹک میزائل حملوں کو روکا جا سکے، جبکہ 5 فیصد میزائل مل جائیں تو یوکرین موسم سرما گزار سکتا ہے اور شہریوں کی جانیں بچائی جا سکتی ہیں۔روس نے حالیہ ہفتوں میں یوکرین پر بیلسٹک میزائل حملے تیز کر دیے ہیں، جبکہ دارالحکومت کیف ان حملوں سے خاص طور پر متاثر ہوا ہے۔ روس یوکرین کے پیٹریاٹ میزائل شکن نظام کے تقریباً ختم ہو جانے کا فائدہ اٹھا رہا ہے۔ رواں برس ہمارے پاس 2025 کے مقابلے میں ڈھائی گنا کم پیٹریاٹ میزائل ہیں، جبکہ روس کے پاس ہر ماہ پہلے کے مقابلے میں دو گنا زیادہ بیلسٹک میزائل ہیں۔