rehber Logo

اولمپک گولڈ میڈلسٹ جیولین تھروور  ارشد ندیم لوزین ڈائمنڈ لیگ سے دستبردار، اہم فیصلہ کر لیا ۔ ارشد ندیم نے بیرون ملک ٹریننگ کے باعث رواں ماہ ہونے والی لوزین ڈائمنڈ لیگ میں حصہ نہ لینے کا فیصلہ کیا ہے۔ارشد ندیم کا نام 21 اگست کو ہونے والی لوزین ڈائمنڈ لیگ کی انٹری لسٹ میں شامل تھا تاہم اب وہ ایونٹ میں شرکت نہیں کریں گے اور جنوبی افریقہ کے شہر پوچفسٹروم میں ٹریننگ کریں گے۔  کامن ویلتھ گیمز کے بعد ارشد ندیم نے بیرون ملک ٹریننگ کا فیصلہ کیا ہے اور اب وہ مقابلے میں حصہ لینے کے بجائے اپنی تیاری پر توجہ دیں گے۔ارشد ندیم جنوبی افریقہ میں 2 ہفتے ٹریننگ کے بعد 6 سے 14 ستمبر تک بوڈاپسٹ میں ہونے والی ورلڈ ایتھلیٹکس الٹی میٹ چیمپئن شپ میں حصہ لیں گے۔ اس کے بعد وہ ایشیئن گیمز میں بھی شرکت کریں گے۔ارشد ندیم اس سے قبل بھی جنوبی افریقہ میں 2 مرتبہ ٹریننگ کر چکے ہیں، ویزا ملتے ہی وہ پہلی دستیاب پرواز سے جنوبی افریقہ روانہ ہوں گے۔

 ارشد ندیم ان دنوں پنجاب سٹیڈیم لاہور میں ٹریننگ کر رہے ہیں۔