پٹرولیم ڈیلرز کی ہڑتال کی کال، لاہور میں 375 پٹرول پمپس بند رہیں گے
پٹرولیم ڈیلرز ایسوسی ایشن کی جانب سے ہڑتال کی کال کے بعد لاہور میں پٹرول کی فراہمی متاثر ہونے کا امکان ہے۔
صدر لاہور پٹرولیم ڈیلرز ایسوسی ایشن کا کہنا تھا کہ ہڑتال کے دوران شہر کے 375 پٹرول پمپس بند رہیں گے۔انہوں نے بتایا کہ ہڑتال کے باوجود آئل مارکیٹنگ کمپنیوں کے براہِ راست آپریٹ کیے جانے والے تقریباً 150 پٹرول پمپس معمول کے مطابق کھلے رہیں گے، جہاں شہری پٹرول اور ڈیزل حاصل کر سکیں گے۔
دوسری جانب متعلقہ حکام صورتحال پر نظر رکھے ہوئے ہیں تاکہ ایندھن کی فراہمی میں کسی بڑے بحران سے بچا جا سکے اور شہریوں کو کم سے کم مشکلات کا سامنا ہو۔
