امریکا ایران کشیدگی کے باوجود عالمی منڈی میں سونے کی قیمتوں میں کمی
سونے کی قیمتوں میں جمعہ کے روز کمی ریکارڈ کی گئی اور قیمتی دھات ہفتہ وار بنیادوں پر بھی خسارے کی جانب گامزن رہی۔ اسپاٹ گولڈ کی قیمت میں 0.2 فیصد کمی کے بعد یہ 4 ہزار 113 ڈالر فی اونس پر آ گئی، جبکہ امریکی گولڈ فیوچرز بھی 0.4 فیصد کمی کے ساتھ 4 ہزار 122 ڈالر فی اونس پر رہے۔ ہفتہ وار بنیاد پر سونا تقریباً 1.5 فیصد کمی کی جانب بڑھ رہا ہے۔
عالمی مارکیٹ میں چاندی کی قیمت میں 0.6 فیصد اضافہ ہوا جبکہ پلاٹینم اور پیلیڈیم کی قیمتوں میں بھی اضافہ ریکارڈ کیا گیا، تاہم تینوں دھاتیں ہفتہ وار بنیاد پر کمی کی جانب بڑھ رہی ہیں۔
