بھارت نے ٹیرف لگائے اور امریکا میں کسی کو بتایا تک نہیں، صدر ٹرمپ

امریکی صدر ڈونلڈ ٹرمپ نے وائٹ ہاؤس میں میڈیا سے گفتگو کرتے ہوئے بھارت پر سخت تنقید کرتے ہوئے کہا ہے کہ بھارت نے برسوں تک امریکہ سے فائدہ اٹھایا اور اس کی وجہ یہاں نااہل لوگ تھے جنہوں نے اس صورتحال کو نظر انداز کیا۔بھارت نے تجارتی ٹیرف عائد کیے لیکن امریکہ میں کسی نے اس پر توجہ نہیں دی اور نہ ہی انہوں نے بتایا۔

اب جلد واضح ہو جائے گا کہ ایران کے ساتھ کسی نہ کسی سطح پر معاہدہ طے پا رہا ہے۔انہوں نے ایران سے متعلق گفتگو کرتے ہوئے کہا کہ اگر ڈیل نہ بھی ہو تو بھی افزودہ یورینیم حاصل کیا جا سکتا ہے تاہم اگر ایران نے امریکی فوجیوں کو نقصان پہنچایا تو یہ دوبارہ جنگ کی طرف واپسی کا باعث بن سکتا ہے۔وہ ایران کے سپریم لیڈر سے ملاقات نہیں کرنا چاہتے تاہم معاہدے کی صورت میں ملاقات ممکن ہو سکتی ہے۔امریکی صدر نے دعویٰ کیا کہ امریکہ خلا سے ایران کے جوہری مقامات کی نگرانی کر رہا ہے اور کسی بھی خطرے سے نمٹنے کے لیے تیار ہے۔