لیگی رکنِ پنجاب اسمبلی ایوب گادھی پر حملے میں ملوث ملزم لاہور سے گرفتار
لیگی رکنِ پنجاب اسمبلی ایوب گادھی پر حملے میں ملوث ملزم کو پولیس نے لاہور سے گرفتار کر لیا۔پولیس کے مطابق ملزم نے دیگر ملزمان کے ساتھ مل کر حملے کی منصوبہ بندی کی تھی، ملزم کو مزید تفتیش کے لیے مقامی پولیس کے حوالے کر دیا گیا ہے۔
واضح رہے کہ ایم پی اے ایوب گادھی پر ٹوبہ ٹیک سنگھ میں ان کے ڈیرے میں قاتلانہ حملے کیا گیا تھا جس میں وہ زخمی جبکہ 4 افراد جاں بحق ہوئے تھے۔بعد ازاں آئی جی پنجاب عبدالکریم نے واقعے کا نوٹس لیتے ہوئے آر پی او فیصل آباد سے رپورٹ طلب کی تھی۔
