بورے والا سے اغواء کی گئی بچی ملتان سے بازیاب، ملزمان فرار ہونے میں کامیاب
بورے والا سے اغواء کی گئی بچی ملتان سے بازیاب جبکہ ملزمان فرار ہونے میں کامیاب ہو گئے ۔ 3 روز قبل بورے والا سے اغواء کی گئی کمسن بچی کو پولیس نے کامیاب کارروائی کرتے ہوئے ملتان سے بازیاب کروالیا۔ پولیس کے مطابق اغواء کار بچی کو ملتان میں ایک خاتون ملزمہ کو فروخت کرنے کے بعد کراچی فرار ہو گئے تھے۔ اغواء میں ملوث ملزمان کا تعلق مبینہ طور پر بردہ فروش گروہ سے ہے جبکہ ملزمان کی گرفتاری کے لیے کارروائیاں جاری ہیں۔ بچی کی بازیابی سی سی ٹی وی فوٹیج اور سیف سٹی کیمروں کی مدد سے مشتبہ گاڑی کو ٹریس کرنے کے بعد ممکن ہوئی۔
