rehber Logo

خیبر پختونخوا کے ضلع کوہاٹ کے علاقے کمبٹ میں غیر قانونی مائننگ کے خلاف آپریشن کے لیے جانے والی پولیس کی گاڑی پر فائرنگ کے نتیجے میں 11 پولیس اہلکار شہید جبکہ 12 زخمی ہوگئے۔  ترجمان کوہاٹ پولیس نے کہا کہ پولیس کی گاڑیاں بھی جائے وقوعہ کی طرف روانہ ہوگئیں، دہشت گردوں کی طرف سے پولیس پر فائرنگ جاری ہے جب کہ پولیس کی بھاری نفری طلب کرلی گئی ہے۔

کوہاٹ اور کرک کے درمیان واقع علاقہ دربوکچ جلندھر بانڈہ میں پولیس پارٹی پر فائرنگ کی گئی، فائرنگ کے واقعے میں 11 پولیس اہلکار شہید ہوگئے۔کوہاٹ پولیس غیر قانونی گولڈ مائنینگ پر چھاپہ مارنے گئی تھی۔ کوہاٹ پولیس کی گاڑیوں کو بھی جلایا گیا۔پولیس پر حملے کے بعد ڈی ایچ کیو ٹیچنگ ہسپتال میں ایمرجنسی نافذ کردی گئی۔پی آر او پولیس نے کہا کہ شہید ہونے والوں میں ڈی ایس پی کمبٹ حیدر زمان، سب انسپکٹر مختیار بھی شامل ہیں، شہدا کی تعداد 11 ہوگئی۔

ریسکیو 1122 کے مطابق  دہشت گردوں کے حملے میں مجموعی طور پر 11 اہلکاروں شہید جب کہ 12 زخمی ہیں۔