ریویو کے معاملے پر باووما اور ڈی کاک میں تلخ کلامی
جنوبی افریقا اور آسٹریلیا کے درمیان دوسرے ون ڈے میچ میں کپتان ٹیمبا باووما اور کوئنٹن ڈی کاک کے درمیان ریویو پر تلخ کلامی ہوئی ہے۔جنوبی افریقا اور آسٹریلیا کے درمیان وانڈررز میں کھیلے گئے دوسرے ون ڈے میچ کے دوران ‘پروٹیز’ (جنوبی افریقی ٹیم) کے ساتھی کھلاڑیوں ٹیمبا باووما اور کوئنٹن ڈی کاک کے درمیان ‘ریویو’ لینے کے معاملے پر تلخ کلامی ہوئی۔یہ واقعہ 48ویں اوور کی چوتھی گیند پر پیش آیا جب لیزاڈ ولیمز کی گیند زیویئر بارٹلیٹ کے پیڈز پر لگی اور ایل بی ڈبلیو (ایل بی ڈبلیو) کی پرزور اپیل کی گئی، آن فیلڈ امپائر نے آؤٹ کا اشارہ نہیں دیا جس کے بعد میدان میں اس بات پر کافی بحث و مباحثہ ہوا کہ آیا ریویو لیا جائے یا نہیں۔آخر کار باووما نے ریویو لینے کا فیصلہ کیا اور جنوبی افریقہ کو اس کا فائدہ بھی ہوا؛ ری پلے میں ‘تھری ریڈز’ (تینوں اشارے آؤٹ کے حق میں) ظاہر ہوئے اور بارٹلیٹ کو 28 گیندوں پر 50 رنز بنانے کے بعد پویلین واپس لوٹنا پڑا۔تاہم ری پلے میں باووما اور کوئنٹن کے درمیان ہونے والی بحث بھی ریکارڈ ہوئی جس میں ایک دوسرے پر انگلی اٹھا کر سخت ردعمل کا اظہار کیا گیا۔
دونوں کے درمیان ہونے والی گفتگو خوشگوار نہیں تھی اور آخر کار مارکو جینسن نے کوئنٹن کو پرسکون کیا تاہم وکٹ کیپر بلے باز نے اس جگہ سے دور چلے جانے کو ترجیح دی۔شائقین کرکٹ کی جانب سے سوشل میڈیا کو کوئنٹن ڈی کاک کو رویے کی وجہ سے تنقید کا نشانہ بنایا جارہا ہے۔ولیمز نے مڈل اور لیگ اسٹمپ کی لائن پر ایک بہترین یارکر کرائی، بارٹلیٹ نے پیچھے ہٹ کر گیند پر شاٹ کھیلنے کی کوشش کی لیکن وہ ناکام رہے اور گیند ان کے ٹانگ کے سامنے لگی بعد ازاں ‘بال ٹریکنگ’ نے اس نتیجے کی تصدیق کر دی اور آسٹریلوی بلے باز کو واپس جانا پڑا۔
جوہانسبرگ ون ڈے میں 32 رنز سے کامیابی حاصل کرنے کے بعد پروٹیز نے آسٹریلیا کے خلاف تین میچوں کی ون ڈے سیریز میں 0-2 کی ناقابلِ شکست برتری حاصل کر لی ہے۔
