rehber Logo

عالمی مارکیٹ میں سونے کی قیمت میں جمعہ کے روز بھی کمی کا سلسلہ جاری رہا، جس کے باعث قیمتی دھات رواں ہفتے مجموعی طور پر 2 فیصد سے زیادہ کمی ریکارڈ کرتے ہوئے ہفتہ وار خسارے کی جانب بڑھ رہی ہے۔ اسپاٹ گولڈ کی قیمت میں 0.2 فیصد کمی ہوئی، جس کے بعد یہ 4,270.83 ڈالر فی اونس پر آگئی۔ امریکی گولڈ فیوچرز کی قیمت 0.2 فیصد اضافے کے بعد 4,305.10 ڈالر فی اونس ریکارڈ کی گئی۔

دیگر قیمتی دھاتوں کی قیمتوں میں بھی کمی ریکارڈ کی گئی۔ اسپاٹ چاندی 0.5 فیصد کمی کے بعد 63.59 ڈالر فی اونس، پلاٹینم 0.1 فیصد کمی کے بعد 1,746.36 ڈالر جبکہ پیلیڈیم 1.9 فیصد کمی کے بعد 1,249.71 ڈالر فی اونس پر آگیا۔چاندی، پلاٹینم اور پیلیڈیم بھی رواں ہفتے مجموعی طور پر کمی کی جانب گامزن ہیں۔