سونے کی قیمتوں میں تیزی،جنوبی افریقن گولڈ کمپنی کے منافع میں دوگنا اضافہ
عالمی سطح پر سونے کی قیمتوں میں زبردست اضافے کے باعث جنوبی افریقا کی بڑی سونے کی کان کنی کمپنی ہارمنی گولڈ کے سالانہ منافع میں تقریباً دوگنا اضافہ ہوگیا۔ جون میں ختم ہونے والے مالی سال کے دوران کمپنی کی خالص آمدنی 29.3 ارب رینڈ (تقریباً 1.8 ارب ڈالر) رہی، جبکہ گزشتہ سال اسی مدت میں کمپنی نے 14.4 ارب رینڈ خالص منافع حاصل کیا تھا۔کمپنی کے مطابق سونے کی بڑھتی ہوئی قیمتوں نے منافع میں اضافے میں اہم کردار ادا کیا۔ رپورٹ کے مطابق Harmony Gold کو سونے کی فی اونس اوسط قیمت 3,811 ڈالر موصول ہوئی، جو گزشتہ سال کے مقابلے میں تقریباً 35 فیصد زیادہ ہے۔تاہم کمپنی کو اپنے ہیجنگ پورٹ فولیو سے تقریباً 571 ملین ڈالر کا نقصان بھی برداشت کرنا پڑا، جس نے بلند سونے کی قیمتوں سے حاصل ہونے والے فائدے کو کسی حد تک کم کیا۔اس کے باوجود کمپنی کا خالص منافع گزشتہ سال کے مقابلے میں تقریباً دوگنا ہوگیا، جس سے ظاہر ہوتا ہے کہ سونے کی بلند قیمتوں نے کان کنی کے شعبے کی آمدنی پر نمایاں مثبت اثر ڈالا ہے۔
