rehber Logo

قطر نے ایران کے 6 ارب ڈالر تہران منتقل ہونے کی خبروں کی تردید کردی۔ دوحہ سے قطری وزارت خارجہ کے ترجمان ماجد الانصاری کے مطابق یہ رقم ایران کی جنوبی کوریا میں منجمد تیل کی آمدنی ہے، 6 ارب ڈالر 2023 کے امریکا ایران قیدی تبادلے کے معاہدے کے تحت قطر منتقل ہوئے۔ امریکا ایران کے درمیان 5-5 قیدیوں کے تبادلےکے بعد رقم جنوبی کوریا سے قطر منتقل کی گئی۔ امریکی شہریوں کی رہائی کے باوجود رقم ابتک ایران کے حوالے نہیں کی گئی۔

ترجمان نے قطر کی جانب سے واضح بیان میں کہا کہ ایرانی فنڈز قطر کے بینکس میں موجود ہیں اور امریکی پابندیوں کے تحت ہیں۔ ایران کو 6 ارب ڈالر تک براہ راست رسائی حاصل نہیں، ایرانی صدر کے اعلان کے باوجود منجمد فنڈز کی تہران منتقلی تاحال نہیں ہوئی۔ایرانی فنڈز قطر کی ملکیت نہیں بلکہ ایران کے اثاثے ہیں، ایرانی فنڈز کے استعمال اور منتقلی پر اب بھی امریکی نگرانی برقرار ہے۔