rehber Logo

بھارتی اداکارہ اور رقاصہ نورا فتیحی فیفا ورلڈ کپ 2026 کی افتتاحی تقریب میں پرفارم کررہی ہیں۔کینیڈا میں ہونے والی یہ افتتاحی تقریب فیفا ورلڈ کپ 2026 کے گرد موجود جوش و خروش کی بھرپور عکاسی کرے گی۔فیفا کی جانب سے جاری کردہ ایک پریس ریلیز کے مطابق نورا فتیحی 12 جون 2026 کو کینیڈا کے شہر ٹورنٹو میں منعقد ہونے والی فیفا ورلڈ کپ 2026 کی افتتاحی تقریب میں نہ صرف رقص کریں گی بلکہ اپنی آواز کا جادو بھی جگائیں گی۔

یہ نورا فتیحی کے بین الاقوامی کیریئر میں ایک بہت بڑی کامیابی مانی جا رہی ہے کیونکہ وہ دنیا کے ان چند فنکاروں میں شامل ہو گئی ہیں جنہیں اس بڑے پلیٹ فارم پر بار بار مدعو کیا گیا ہے۔نورا فتیحی اس تقریب میں تنہا نہیں ہوں گی بلکہ ان کے ساتھ دنیا بھر سے تعلق رکھنے والے نامور گلوکار اور فنکار بھی اپنی پرفارمنس دیں گے جن میں ایلنس موریسیٹ، الیسیا کارا، الیانہ، جسی ریز، مائیکل ببلے، سنجوئے، ویجی ڈریم اور ولیم پرنس شامل ہیں۔

امریکہ میں ہونے والی افتتاحی تقریب میں انیتا، کیٹی پیری، لیزا اور ٹائلا جیسے بین الاقوامی شہرت یافتہ ستارے بھی شامل ہوں گے، جو اس ورلڈ کپ کو موسیقی اور ثقافت کا ایک یادگار سنگم بنا دیں گے۔