پشاور میں سی ٹی ڈی کی کارروائی، 2 دہشت گرد ہلاک
خیبر پختونخوا میں سی ٹی ڈی کی کارروائی میں 2 دہشت گرد مارے گئے۔پشاور ریجن کی ریگی نادرن بائی پاس کے قریب مصدقہ اطلاع پر سوات ٹیم نے چھاپہ مارا تو شرپسندوں نے جوانوں کو دیکھتے ہی فائرنگ شروع کر دی۔جوانوں کی جوابی فائرنگ سے سی ٹی ڈی کانسٹیبل ثنا اللہ کی شہادت میں ملوث دہشتگرد عباس اور عثمان ہلاک ہو گئے، ہلاک دشمن عناصر سے شہید کا موبائل فون برآمد کر لیا گیا۔ مذکورہ دہشتگرد عباس اور عثمان درجنوں دہشت گردی کی مقدمات میں سی ٹی ڈی کو مطلوب تھے، ہلاک شرپسندوں کے حملوں میں پانچ پولیس جوان شہید جبکہ درجن سے زائد زخمی ہوچکے ہیں۔مارے جانے والے دہشتگردوں کے ساتھی رات کی تاریکی کا فائدہ اٹھاتے ہوئے فرار ہوگئے جب کہ پولیس کی بھاری نفری نے دہشت گردوں کی گرفتاری کے لیے سرچ آپریشن شروع کر دیا۔
