سانحہ گل پلازہ کو 2 ہفتے ہوگئے اب تک کچھ نہیں ہوا، پنجاب میں ماں بیٹی کی ہلاکت پر دوسرے ہی دن انصاف نظر آیا،گورنر سندھ کامران ٹیسوری

گورنر سندھ کامران ٹیسوری کا کہنا ہے سانحہ گل پلازہ کو 2 ہفتے ہوگئے، اب تک کچھ بھی نہیں ہوا ۔ گورنر سندھ سانحہ گل پلازہ میں جاں بحق 6 افراد کے دہلی کالونی میں واقع گھر پہنچے اور کہا کہ میں ایسے گھر آیا ہوں، جہاں کے ایک ہی خاندان کے 6 افراد جھلس کر شہید ہوئے ہیں۔میرے پاس الفاظ نہیں کہ ان کو کیسے صبر دلایا جائے گا، سب ہی جاننا چاہتے ہیں ذمے دار کون ہیں، ان کو سزا ملے گی بھی یا نہیں۔ سانحے کو 2 ہفتے ہوگئے اب تک کچھ نہیں ہوا، پنجاب میں ایک ماں بیٹی کی ہلاکت پر دوسرے دن انصاف نظر آتا، شکر ہے عوام کے دباؤ پر جوڈیشل کمیشن بنانے کا اعلان کیا گیا ہے۔اس علاقے سے رکن صوبائی اسمبلی تحریک انصاف کا ہے، وہ بھی نہیں آئے، جماعت اسلامی کا ٹاؤن انچارج بھی یہاں نہیں پہنچا، انہیں شرم آنی چاہیے۔