rehber Logo

<p style="text-align: justify;">لاہور &nbsp;کے مختلف علاقوں میں بارش سے گرمی کی شدت میں کمی ہوگئی۔سول سیکرٹریٹ، چوبرجی اور ملحقہ علاقوں میں ہلکی سے درمیانے درجے کی بارش ہوئی جبکہ&nbsp; جیل روڈ سمیت متعدد علاقوں میں رم جھم کا سلسلہ جاری ہے۔</p> <p style="text-align: justify;">یاد رہے کہ پی ڈی ایم اے کے مطابق آج&nbsp; سے لاہور، راولپنڈی، مری، گلیات، اٹک، چکوال، گجرات، جہلم اور گوجرانوالہ میں بادل برسیں گے۔اس کے علاوہ فیصل آباد، سیالکوٹ، نارووال، ٹوبہ ٹیک سنگھ، جھنگ، سرگودھا، ڈیرہ غازی خان، بہاولپور، بہاولنگر اور ملتان میں بھی بارشوں کا امکان ہے، مون سون بارشوں کا پانچواں سلسلہ 31 جولائی تک جاری رہے گا۔خیبرپختونخوا کے بالائی علاقوں میں بھی گرج چمک کے ساتھ بارش جبکہ پشاور سمیت صوبہ کے بیشتر میدانی اضلاع میں گرمی کی شدت میں اضافے کا امکان ظاہر کیا گیا ہے۔</p> <p style="text-align: justify;">واضح رہے کہ ملک بھر میں بارشوں کے باعث حادثات میں 24 گھنٹے کے دوران مزید 8 افراد جاں بحق اور 21 زخمی ہوگئے، مون سون بارشوں سے ہلاکتوں کی تعداد 279 ہوگئی جبکہ 676 افراد زخمی ہیں۔</p> <p style="text-align: justify;">&nbsp;</p>