rehber Logo

اس پر طارق فضل چوہدری نے دعویٰ کیا کہ اگر پی ٹی آئی نے استعفے دیے تو ان کے اپنے 36 ارکانِ قومی اسمبلی ان کا ساتھ چھوڑ جائیں گے، جس کے جواب میں جنید اکبر نے کہا کہ 36 ہوں یا 56، ہم استعفے ضرور دیں گے، لانگ مارچ کسی کے کہنے پر شروع نہیں کیا گیا تھا کہ اسے کسی کے کہنے پر ملتوی کر دیا جائے۔انہوں نے شکوہ کیا کہ حکومت نے ان کی مذاکرات کی خواہش کو کمزوری سمجھا، اسمبلی میں ان کی تقاریر غائب کردی جاتی ہیں اور انہیں سیاسی اسپیس نہیں دی جا رہی، ہم اپنی حکومت بچا بھی سکتے ہیں اور اسے پھونک بھی سکتے ہیں، اگر حکومت نے گورنر راج جیسا کوئی قدم اٹھایا تو ہمیں الٹا آسانی ہو جائے گی۔وزیرِاعلیٰ سہیل آفریدی کی جانب سے میں خود ان تمام لوگوں کی مذمت کرتا ہوں جو دہشت گردوں کو سپورٹ کرتے ہیں یا جنہوں نے اسامہ بن لادن سے کبھی پیسے لیے، خیبرپختونخواہ میں ہمارے وزراء اور ارکانِ اسمبلی نے دہشت گردی کا سب سے زیادہ نقصان اٹھایا اور ان کے عزیز و اقارب شہید ہوئے، ماضی میں طالبان کو افغانستان سے مذاکرات کے لیے لانے والوں اور ہیلی کاپٹر بھر کر لے جانے والوں کی فہرست دنیا کو دکھائی جائے، اس وقت پی ٹی آئی کا کون سا بندہ اس میں شامل تھا۔