سعودی عرب میں فیکٹری میں آگ لگنے سے 16 بنگلادیشی مزدور جاں بحق

سعودی عرب میں ایک صوفہ فیکٹری میں آگ لگنے سے 16 بنگلادیشی جاں بحق ہوگئے ہیں۔بنگلہ دیش کی وزارت برائے مہاجرین کی بہبود اور اوورسیز ایمپلائمنٹ نے فائر سروس ڈیپارٹمنٹ کا حوالہ دیتے ہوئے کہا کہ ریاض میں ایک صوفہ فیکٹری میں آگ لگنے سے 16 بنگلہ دیشی تارکین وطن مزدور ہلاک ہو گئے۔ وزیر برائے تارکین وطن کی بہبود اور اوورسیز ایمپلائمنٹ نے اموات پر صدمے اور افسوس کا اظہار کیا۔ وزارت کے مطابق، متاثرین میں سے دس کا تعلق بنگلہ دیش کے شمالی ضلع نوگاؤں سے تھا جبکہ باقی کا تعلق شمالی اور مغربی نٹور اور راجشاہی اضلاع سے تھا۔

اتنی دور سعودی عرب میں روزی روٹی کی تلاش میں کام کرنے والے تارکین وطن کی اس طرح کی بے وقت اور المناک موت انتہائی دل دہلا دینے والی ہے۔انہوں نے کہا کہ سعودی عرب میں بنگلہ دیش کا سفارت خانہ جائے حادثہ اور مقامی حکام کے ساتھ چوبیس گھنٹے رابطہ رکھے ہوئے ہے۔ متعلقہ حکام کو ہدایت کی گئی ہے کہ وہ مرنے والے تارکین وطن کی باقیات کی وطن واپسی میں تیزی لائیں اور ان کے اہل خانہ کے لیے تمام ضروری سرکاری امداد اور معاوضے کو یقینی بنائیں۔