rehber Logo

پولیس تھانہ سٹی دیپالپور نے موٹر سائیکل چوری میں ملوث ایک سرگرم گینگ کے خلاف کارروائی کرتے ہوئے پانچ ملزمان کو گرفتار کر لیا۔ پولیس نے ملزمان کے قبضے سے لاکھوں روپے مالیت کی 17 مسروقہ موٹر سائیکلیں، 21 چیسز اور 19 انجن برآمد کر لیے ہیں، جبکہ موٹر سائیکل چوری کے 57 مقدمات بھی ٹریس کر لیے گئے ہیں۔

پولیس کے مطابق گرفتار ملزمان میں نصیر، محمود، شوکت، اشرف اور علی رضا شامل ہیں۔ ابتدائی تفتیش میں انکشاف ہوا ہے کہ ملزمان چوری شدہ موٹر سائیکلوں کو کھول کر ان کے پرزے، انجن اور چیسز الگ الگ فروخت کرتے تھے تاکہ موٹر سائیکلوں کی شناخت ختم کی جا سکے اور قانون نافذ کرنے والے اداروں کی گرفت سے بچا جا سکے۔ پولیس نےکارروائی کے دوران 17 مسروقہ موٹر سائیکلیں، 21 چیسز اور 19 انجن برآمد کر لیے ہیں۔ملزمان سے مزید تفتیش جاری ہے۔