ایل این جی کا ایک اور جہاز پاکستان پہنچ گیا، پورٹ قاسم پر لنگر انداز

ایل این جی کا ایک اور جہاز پاکستان پہنچ کر پورٹ قاسم پر لنگر انداز ہوگیا۔پاکستان کومائع قدرتی گیس (ایل این جی) کا ایک اور سپاٹ کارگو موصول ہو گیا، ایل این جی بردار جہاز ’’بی ڈبلیو ہیلیوس‘‘ پورٹ قاسم پر پی جی پی ایل ٹرمینل پر لنگر انداز ہوا۔ یہ جہاز 1 لاکھ 40 ہزار کیوبک میٹر ایل این جی لے کر آیا ہے، جسے پاکستان ایل این جی لمیٹڈ (پی ایل ایل)نے مسابقتی بولی کے عمل کے ذریعے خریدا ہے۔ بی پی سنگاپور کے تعاون سے حاصل کی گئی ایل این جی لے کر یہ بحری جہاز صبح تقریباً 8 بجے پہنچا، جس سے پاکستان کے قومی ٹرانسمیشن نیٹ ورک میں شامل کرنے کے لیے گیس کے اضافی ذخائر فراہم ہوں گے۔