rehber Logo

امریکہ کی ایران کے خلاف معاشی جنگ تاحال برقرار ہے جس کے تحت واشنگٹن نے تہران سے منسلک 12 اداروں پر نئی پابندیاں عائد کر دی ہیں۔ مارشل آئی لینڈز، یو اے ای اور چین میں قائم ایرانی کمپنیوں کو امریکی کارروائی کا سامنا، 6 ایل پی جی ٹینکرز بھی امریکی پابندیوں کی زد میں آ گئے۔امریکی محکمہ خزانہ نے ایران کے ایل پی جی نیٹ ورک پر لاکھوں بیرل تیل سمگل کرنے کا الزام عائد کرتے ہوئے کہا ہے کہ فرنٹ کمپنیوں کے ذریعے ایرانی توانائی کی ترسیل چھپانے کی کوشش کی گئی۔پاناما کے جھنڈے والے 4 ٹینکرز سمیت متعدد بحری جہازوں پر کارروائی کی گئی، امریکہ نے ایران کے شیڈو فلیٹ اور شیڈو بینکنگ نیٹ ورک کو بھی ختم کرنے کا اعلان کیا ہے۔ امریکہ کی جانب سے ایرانی ایکسچینج ہاؤس اور قیادت پر اربوں ڈالر کی ٹرانزیکشنز کے الزامات بھی عائد کیے گئے ہیں۔