لاہور: نومولود کو بھکاری مافیا کے ہاتھوں فروخت کرنے والاگروہ گرفتار
پولیس نے معصوم نومولود کو بھکاری مافیا کے ہاتھوں فروخت کرنے والے گروہ کو گرفتار کرلیا۔ پولیس کے مطابق 15 کال پر فوری ایکشن کرتے ہوئے ریس کورس پولیس نے ایک نومولود کو چند گھنٹوں میں جوڑے پل چنگڑ محلہ سے بازیاب کروایا۔ملزمان دانش، شہزاد اور دانش مسیح نہر کنارے پنکچر لگانے کا کام کرتے تھے اور نومولود بچہ اغوا کر کے پیسوں کے عوض فروخت کرنے کے لیے لے جا رہے تھے۔گداگری کے لیے بچہ خریدنے والے ملزمان بھی گرفتار ہوئے ہیں، ملزمان کو بھیک مانگنے کے لیے نومولود بچہ درکار تھا۔ایس پی سول لائنز نے کہا کہ نومولود خریدنے والے ملزمان میں مریم اور شہزاد شامل ، مقدمہ درج کرکے مزید تفتیش جاری ہے، نومولود کو چائلڈ پروٹیکشن بیورو کے حوالے کیا اور وارثان کی تلاش جاری ہے۔
