rehber Logo

پولیس نے کچے کے علاقے میں اندھڑ گینگ کے سرغنہ کے خلاف ٹارگٹڈ آپریشن کیا اور اس دوران گینگ کے ٹھکانے مسمار کر دیے گئے۔رحیم یار خان پولیس نے بتایا کہ پولیس نے انتہائی مطلوب اور خطرناک ڈاکو تنویر اندھڑ کے مورچوں پر کارروائی کی اور اس دوران ڈاکو اندھڑ مورچہ چھوڑ کر جنگل میں فرار ہوگیا۔ علاقے کا محاصرہ کرکے سرچ آپریشن شروع کردیا گیا ہے۔ اندھڑ گینگ کا سرغنہ تنویر عرف دادو اندھڑ پنجاب پولیس کو انتہائی مطلوب ہے اور اس کے سر کی قیمت محکمہ داخلہ نے ایک کروڑ روپے مقرر کر رکھی ہے۔کارروائی کے حوالے سے بتایا گیا کہ آپریشن ڈی پی او کی قیادت میں کیا گیا اور ڈاکو تنویر اندھڑ کے مورچوں پر پولیس نے قبضہ کیا اور ٹھکانے مسمار کر دیے ہیں۔