پاکستان سٹاک مارکیٹ میں کاروبار کا مثبت زون میں آغاز

پاکستان سٹاک مارکیٹ میں کاروبار کا مثبت زون میں آغاز ہوا ہے۔کاروباری ہفتے کے چوتھے روز کاروبار کے آغاز پر سٹاک ایکسچینج میں تیزی دیکھنے میں آئی ہے، 1000 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 68 ہزار 528 پوائنٹس کی سطح پر پہنچ گیا۔

گزشتہ کاروباری دن کے اختتام پر ہنڈرڈ انڈیکس 1465 پوائنٹس کی کمی کیساتھ ایک لاکھ 67 ہزار 451 پوائنٹس کی سطح پر بند ہوا تھا۔

ایشیائی سٹاک مارکیٹوں میں ملا جلا رجحان برقرار ہے۔جنوبی کوریا کے کوسپی انڈیکس میں ایک فیصد کا اضافہ ریکارڈ کیا گیا، ہانگ کانگ کے ہینگ سینگ انڈیکس میں 0.26 فیصد کی تیزی دیکھنے میں آئی، جاپان کے نکی انڈیکس میں بھی معمولی تیزی ریکارڈ کی گئی۔ چین کے شنگھائی کمپوزٹ انڈیکس میں 1.26 فیصد مندی دیکھی گئی ہے، انڈونیشیا کے جکارتہ کمپوزٹ انڈیکس میں 2 فیصد کی گراوٹ دیکھنے میں آئی۔