مالی میں شدت پسندوں کے حملوں میں وزیر دفاع ہلاک
مالی کے وزیر دفاع سادیو کامارا کے دارالحکومت بماکو کے قریب ایک بڑے حملے میں ہلاک ہونے کی اطلاعات سامنے آئی ہیں۔ ان کے قریبی رشتہ داروں نے دعویٰ کیا ہے کہ وہ ہفتے کے روز حملے میں مارے گئے۔ حملہ کاتی کے علاقے میں کیا گیا، جو بماکو سے تقریباً 15 کلومیٹر شمال میں واقع اہم فوجی اڈا ہے۔ یہ کارروائی شدت پسند تنظیم جماعت نصرت الاسلام والمسلمین (جے این آئی ایم) نے کی، جس نے ایک طوارق اکثریتی باغی گروہ کے ساتھ مل کر مختلف علاقوں میں مربوط حملے کیے۔
تجزیہ کاروں اور سفارتی ذرائع کے مطابق یہ حالیہ برسوں میں مالی پر ہونے والے سب سے بڑے منظم حملوں میں سے ایک ہے۔
