پاکستان ہمیشہ تنازعات کے حل کو فروغ دینے والے اقدامات کی حمایت کریگا، عاصم افتخار

اقوام متحدہ میں پاکستان کے مستقل مندوب عاصم افتخار نے کہا ہے کہ پاکستان تنازعات کے حل کو فروغ دینے والے اقدامات کی حمایت جاری رکھے گا۔پاکستان ہمیشہ تمام اقدامات کی حمایت کرے گا جو اختلافات کو ختم کرنے اور امن کے ذریعے تنازعات کے حل کو فروغ دیں، چاہے وہ عالمی سطح پر ہوں، یوکرین میں یا کہیں اور ہوں۔سلامتی کونسل میں یوکرین کے معاملے پر بریفنگ دیتے ہوئے انہوں نے کہا تمام فریقین احتیاط، کشیدگی میں کمی، اور مذاکرات و سفارت کاری کے ذریعے تنازعات کے حل کیلئے اقدامات کریں۔بین الاقوامی قوانین اور اقوام متحدہ کے چارٹر کے اصولوں کی مکمل پاسداری کرنی چاہیے۔