میانمار جھڑپیں ، ہزاروں مہاجرین بھارت میں داخل

میانمار میں دو مخالف مسلح گروپس کے درمیان جھڑپوں کے بعد ہزاروں مہاجرین بھارت کی شمال مشرقی ریاست میزورم میں داخل ہو گئے ہیں۔ ایک سینئر سیکیورٹی اہلکار کا کہنا ہے کہ ان افراد کی آمد کا آغاز 2 جولائی کو دو حریف چِن نیشنل ڈیفنس فورس (سی ڈی این ایف) اور چِن لینڈ ڈیفنس فورس- وانگوریم (سی ڈی ایف - ایچ) کے درمیان میانمار کی شمال مغربی ریاست چِن میں اسٹریٹجک علاقوں کا کنٹرول حاصل کرنے کے لیے شروع ہونے والی جھڑپوں کے بعد ہوا۔اُنہوں نے میڈیا پر اپنا نام ظاہر نہ کیے جانے کی شرط پر بتایا کہ تنازع شروع ہونے کے بعد سے تقریباً 4 ہزار مہاجرین میزورم میں داخل ہو چکے ہیں۔اہلکار نے مزید بتایا کہ اتوار کی رات تک حکام نے چمپائی ضلع کے 2 دیہات زوکھاوتھر اور سائکھمفائی میں 3 ہزار 980 افراد کی آمد کا اندراج کیا تھا۔