rehber Logo

اسپین میں تاریخی مسجد قرطبہ میں آگ لگ گئی، آگ پر ڈیڑھ گھنٹے کی محنت کے بعد قابو پالیا گیا ہے۔  اسپین کی تاریخی جامع مسجد قرطبہ میں آگ لگنے کا واقعہ پیش آیا تاہم فائر فائٹرز کے فوری ردِعمل کی وجہ سے آگ پر فوری قابو پالیا گیا۔قرطبہ کی میئر جوزا مارا بلیڈو نے سوشل میڈیا پلیٹ فارم ایکس پر جاری اپنے بیان میں کہا کہ بروقت مداخلت سے ایک تباہی کو ٹال دیا گیا۔مسجد میں آگ فرش صاف کرنے والی مشین میں شارٹ سرکٹ کی وجہ سے لگی تھی۔

 جامع مسجد قرطبہ 8ویں صدی عیسوی میں تعمیر ہوئی تھی۔ اسپین پر مسلمانوں کی حکومت کے خاتمے کے بعد اس مسجد میں 16ویں صدی میں ایک چرچ بھی قائم کردیا گیا تھا، یہ مسجد اسپین میں مسلمانوں کی شاندار فن تعمیر کا ایک نمونہ تصور کہ جاتی ہے۔اس مسجد کو 1984ء میں یونیسکو کی جانب سے عالمی ورثہ قرار دیا گیا تھا۔