امریکہ : ائیر ایمبولینس طیارہ لینڈنگ کے دوران حادثے کا شکار، 4 افراد ہلاک

امریکی ریاست ایری زونا میں ایک ائیر ایمبولینس طیارہ لینڈنگ کے دوران حادثے کا شکار ہو کر تباہ ہو گیا، جس کے نتیجے میں طیارے میں سوار 4 افراد ہلاک ہو گئے۔ ائیر ایمبولینس طیارہ ایک مریض کو لے جا رہا تھا کہ لینڈنگ کے دوران نامعلوم وجوہات کی بنا پرگر کر تباہ ہو گیا۔فیوڈرل ایوی ایشن ایڈمنسٹریشن کے مطابق بیچکرافٹ 300 طیارہ منگل کی دوپہر چنلے میونسپل ایئرپورٹ پر لینڈنگ کے دوران حادثے کا شکار ہوا۔حادثے کی تحقیقات شروع کردی ہیں اور تکنیکی پہلوؤں کا جائزہ لیا جا رہا ہے۔

پولیس کے مطابق طیارے پر سوار تمام چار افراد کی موت ہو گئی، جبکہ حادثے کی وجہ معلوم نہ ہوسکی۔