بھارت :گاڑی نہر میں گرنے سے11افراد ہلاک، 4 زخمی

بھارت کی شمالی ریاست اتر پردیش کے ضلع گونڈہ میں نجی گاڑی نہر میں گرنے سے کم از کم 11 افراد جاں بحق اور 4 شدید زخمی ہو گئے۔مقامی پولیس نے واقعے کی تصدیق کر دی ہے، حادثے کا شکار افراد قریبی مندر میں پوجا کرنے کے بعد واپس لوٹ رہے تھے، حادثے کے وقت گاڑی میں مجموعی طور پر 15افراد سوار تھے، جن میں چند خواتین بھی شامل تھیں۔زخمیوں کو فوری طور پر مقامی اسپتال منتقل کر دیاگیا، جہاں ان کا علاج جاری ہے۔ حکومت نے ہلاک افراد کے اہلخانہ کو فی کس 5لاکھ بھارتی روپے معاوضہ دینے کا اعلان کیا ہے۔

حکام کے مطابق حادثے کی مکمل تحقیقات کی جا رہی ہیں تاکہ اس کی وجوہات معلوم کی جا سکیں۔ مقامی انتظامیہ نے جائے حادثہ پر ریسکیو کارروائیوں کے لیے فوری امدادی ٹیمیں روانہ کر دی تھیں۔