دبئی کا نیا منفرد ’چاکلیٹ برگر‘ وائرل

یو اے ای کی ایک میٹھے کی دکان نے اپنی انوکھے اور تخلیقی ڈیزرٹ کے ذریعے سوشل میڈیا پر دھوم مچا دی ہے۔ اس ڈیزرٹ کا نام ہے ”دبئی چاکلیٹ برگر“ یہ میٹھا اپنی انفرادیت کی وجہ سے سوشل میڈیا پر بہت مقبول ہو رہا ہے اور کافی توجہ حاصل کر رہا ہے۔کھانے ہمیشہ سے ایک عالمی زبان رہے ہیں جو مختلف ذائقوں اور بناوٹ کے ذریعے لوگوں کو جوڑتے ہیں۔ لیکن جب تخلیقی صلاحیت سامنے آتی ہے، تو کھانے کی دنیا اور بھی دلچسپ ہو جاتی ہے۔

ایک انسٹاگرام ریل میں، ایک فوڈ ویلاگر نے اس منفرد ڈیزرٹ کی جھلک دکھائی اس چاکلیٹ برگر میں انوکھے اجزاء کا استعمال کیا گیا ہے جو اسے روایتی برگر سے مختلف بناتے ہیں۔اس کے اندر پستہ موس، کرسپی کنافا اور بیلجئین براؤنی کی تہہ رکھی گئی ہے جو نرم اور فلفی انگلش کیک کے بیچ میں سجی ہے۔ اس کے ساتھ ایک کنٹینر میں گرم بیلجئین چاکلیٹ بھی آتی ہے، جسے آپ چاہیں تو پورے برگر پر ڈال سکتے ہیں یا ڈِپ کے طور پر استعمال کر سکتے ہیں۔ اس کا ذائقہ منفرد، میٹھا اور خوش ذائقہ بتایا جا رہا ہے۔یہ ڈیزرٹ یو اے ای میں ”بی لبن“ کی متعدد شاخوں پر دستیاب ہے اور اس کی قیمت تقریباً 30 درہم ہے۔ اس کی مقبولیت کا اندازہ اس بات سے لگایا جا سکتا ہے کہ یہ وائرل انسٹاگرام ریل نے ہزاروں لوگوں کی توجہ حاصل کی ہے۔