rehber Logo

خیبرپختونخوا میں جائیداد کے 2 مختلف تنازعات پر فائرنگ کے نتیجے میں 5 افراد زندگی کی بازی ہار گئے ہیں۔

پہلا واقعہ ضلع مردان کی تحصیل درگئی کے علاقے خرکی میں پیش آیا، جہاں گھریلو تنازع پر 2 فریقین میں فائرنگ کے نتیجے میں 3 افراد جاں بحق ہوئے۔فائرنگ میں خاتون سمیت 3 افراد زخمی بھی ہوئے جنہیں طبی امداد کے لئے ہسپتال منتقل کردیا گیا۔

دوسرا واقعہ بونیر میں پیش آیا ، جہاں تحصیل گاگرہ کی یونین کونسل موضع باجکٹہ میں جائیداد کے تنازع پر 2  فریقین کے درمیان فائرنگ میں 2 افراد جاں بحق ہوگئے۔واقعے کے بعد ریسکیو حکام نے دونوں لاشوں کو ضابطے کی کارروائی کے لئے ڈسٹرکٹ ہیڈ کوارٹرز ہسپتال منتقل کیا۔ جہاں مقتولین کی شناخت عبدالوجی اور جمشید خان کے ناموں سے ہوئی۔

دونوں علاقوں میں خونریزی کے بعد پولیس کی نفری نے موقع پر پہنچ کر شواہد اکھٹے کیے اور قانونی کارروائی شروع کردی ہے۔خیبرپختونخوا میں جائیداد کے تنازعات پر قتل کوئی نئی بات نہیں ہے، ایک محتاط اندازے کے بعد اب تک 100 سے زائد شہری ایسے واقعات میں قتل ہوچکے ہیں۔