لاس اینجلس میں پولیس کے تربیتی مرکز میں دھماکا، 3 افراد ہلاک
امریکی ریاست کیلیفورنیا کے شہر لاس اینجلس میں پولیس کے تربیتی مرکز میں دھماکے سے 3 افراد ہلاک ہوگئے۔ لاس اینجلس سے امریکی میڈیا کے مطابق لاس اینجلس کاؤنٹی شیرف ڈپارٹمنٹ کے بیسکوز ٹریننگ سینٹر ایسٹرن ایونیو پر دھماکا ہوا، جس کے نتیجے میں 3 افراد ہلاک ہوئے۔ اس جگہ پر شیرف کے اسپشل انفورسمنٹ بیورو اینڈ آرسن ایکسپلوسیو ڈیٹیل بشمول اسکواڈ کے دفاتر ہیں۔ حکام اس حوالے سے مزید تحقیقات کر رہے ہیں، تاہم دھماکے وجہ فوری طور پر معلوم نہیں ہوسکی ہے۔ دھماکا اس وقت ہوا جب بم اسکواڈ وہاں سے کچھ دھماکا خیز مواد منتقل کر رہا تھا۔
