ڈیرہ غازی خان : تیز رفتار ٹرک نے 4 موٹر سائیکل سواروں کو کچل دیا

ڈیرہ غازی خان میں ٹریفک حادثے میں 4 افراد جاں بحق ہوگئے۔ ملتان روڈ پر تیز رفتار ٹرک نے موٹر سائیکل سواروں کو کچل دیا۔ حادثے میں 2 افراد موقع پر جاں بحق ہوگئے جبکہ 2 زخمی افراد نے اسپتال لے جاتے ہوئے راستے میں دم توڑ دیا۔جاں بحق ہونے والے تمام افراد ایک ہی موٹر سائیکل پرسوارتھے۔ لاشوں کو اسپتال منتقل کر دیا گیا ہے۔ حادثے کے حوالے سے مزید تحقیقات جاری ہیں۔