موٹروے : مسافر بس کو حادثہ 2مسافر جاں بحق

شیرشاہ انٹرچینج موٹروے ایم 5پر مسافر بس کو حادثے کے نتیجے میں دومسافر جاں بحق اور17افراد زخمی ہوگئے۔صادق آباد سے لاہور جانے والی بس ملتان کے قریب حادثے کا شکار ہوئی جس کے بعد موٹروےپولیس موقع پر پہنچی اورامدادی کارروائیاں شروع کردیں۔ڈرائیور کو اچانک اونگھ آنے سے بس موٹروے سے نیچے اتر گئی،موٹروے پولیس نے زخمیوں کو فوری طور پر قریبی ہسپتال منتقل کردیا۔