بنگلادیش ائیرفورس کا تربیتی طیارہ گر کر تباہ، 19 افراد ہلاک 100 سے زائد زخمی

نگلادیش ائیرفورس کا تربیتی طیارہ گر کر تباہ ہوگیا جس کے نتیجے میں ہلاک افراد کی تعداد 19 ہوگئی جبکہ 100 سے زائد افراد کے زخمی ہونے کی اطلاع سامنے آئی ہے۔ بنگلادیشی میڈیا رپورٹ کے مطابق طیارہ اچانک ڈھاکا میں کالج کیمپس کی عمارت کے قریب توازن کھو بیٹھا اور حادثے کا شکار ہوا۔ یہ واقعہ ڈھاکہ کے شمالی علاقے اُتّرا میں پیش آیا۔بنگلادیشی فضائیہ کے شعبہ تعلقاتِ عامہ نے ایک بیان میں اس واقعے کی تصدیق کرتے یوئے کہا کہ بنگلہ دیش ایئر فورس کا تربیتی طیارہ اُتّرا میں گر کر تباہ ہوا۔ یہ طیارہ دوپہر ایک بج کر 6 منٹ پر روانہ ہوا تھا۔مختلف ویڈیوز میں دکھایا گیا کہ کالج کے لان کے قریب ایک بڑی آگ لگی ہوئی دکھائی گئی، جہاں سے دھوئیں کے سیاہ بادل اٹھتے دکھائی دیے۔طیارہ حادثے میں کم از کم چار افراد زخمی ہوئے جنہیں علاقے کے ایک فوجی اسپتال منتقل کیا گیا۔