rehber Logo

ملک بھر میں مون سون بارشوں کا سلسلہ جاری ہے ، وسطی پنجاب میں تباہی مچانے کے بعد بارش برسانے والا سسٹم جنوبی پنجاب منتقل ہوگیا ،محکمہ موسمیات نے آج سے کراچی میں بارشوں کی نوید سنادی،پنجاب میں چھتیں گرنے اور کرنٹ لگنے سے مزید 12 اموات، تعداد 103 ہوگئی۔ 

 وسطی پنجاب میں تباہی مچانے کے بعد بارش برسانے والا سسٹم جنوبی پنجاب منتقل ہوگیا ،محکمہ موسمیات نے آج سے کراچی میں بارشوں کی نوید سنادی،پنجاب میں چھتیں گرنے اور کرنٹ لگنے سے مزید 12 اموات، تعداد 103 ہوگئی۔حالیہ بارشوں میں  پنجاب میں چھتیں گرنے اور کرنٹ لگنے سے مزید 12 افراد جاں بحق ہوگئے،لاہور ریلوےاسٹیشن کےقریب چھت گرنےسے2افرادجاں بحق،شاہدرہ میں کرنٹ لگنےسےنوجوان لقمہ اجل بنا۔اس کےعلاوہ چنیوٹ میں چھتیں گرنےکےواقعات میں3افرادجاں بحق ہوئے،حافظ آبادمیں برساتی نالےمیں ڈوب کر بچہ جان سے گیا،کرنٹ لگنےسےملتان،اوکاڑہ،خوشاب میں ایک ایک شخص جاں بحق ہوا،دنیا پور اور حافظ آباد میں بھی کرنٹ لگنےسے اموات ہوئیں۔راولپنڈی میں ڈوبنے والے تین افراد کی لاشیں نکال لی گئیں،بھوسہ منڈی کے قریب نالے میں ڈوبنے والےبچے کا تاحال سراغ نہ مل سکا،

این ڈی ایم اے نےملک بھر میں مون سون بارشوں اور سیلاب سے جانی نقصانات کی تفصیلات جاری کر دیں، اب تک 178 افراد جاں بحق جبکہ سیکڑوں زخمی ہوئے،جہاں سب سے زیادہ اموات پنجاب میں 103 ریکارڈ کی گئیں۔

دوسری جانب محکمہ موسمیات نے ملک کے مختلف علاقوں میں تیز ہواؤں کے ساتھ بارش کی پیشگوئی کر دی،محکمہ موسمیات کے مطابق آج سندھ، جنوبی پنجاب، کشمیر، شمال مشرقی و جنوبی بلوچستان اور بالائی خیبر پختونخوا میں تیز ہواؤں اور گرج چمک کے ساتھ بارش کی توقع ہے۔اس دوران گلگت بلتستان اور شمال مشرقی پنجاب میں چند مقامات پر تیز ہواؤں اور گرج چمک کے ساتھ بارش ہونے کا امکان ہے، ملک کے دیگر علاقوں میں موسم گرم اور حبس رہنے کا امکان ہے۔ 20 جولائی سے ایک اور مضبوط سسٹم ملک میں داخل ہوگا، اس سے اسلام آباد، خیبرپختونخوا،بالائی پنجاب،کشمیر گلگت بلتستان میں تیز بارش کا امکان ہے، بارشوں کا یہ سلسلہ 25 جولائی تک جاری رہے گا جس بارے میں پی ڈی ایم اے نے الرٹ جاری کر دیا ہے۔