راولپنڈی میں گھر سے شیر برآمد، وائلڈ لائف نے مقدمہ درج کروا دیا
بیول میں گھر سے شیر برآمد کرنے کا مقدمہ تھانہ گوجر خان میں درج کرلیا گیا۔مقدمہ وائلڈ لائف انسپکٹر کی مدعیت میں درج کیا گیا، مقدمہ پنجاب وائلڈ لائف پروٹیکشن،پریزرویشن اینڈ کنزرویشن ایکٹ 1974 کی دفعات کے تحت درج کیا گیا۔خفیہ اطلاع پر ملک تصدق اقبال کے ڈیرے سے کھال نسر کا خونخوار شیر برآمد کیا ہے۔
مقدمے کے متن کے مطابق شیر کی برآمدگی کے لئے سول جج گوجر خان کی عدالت سے رہائش گاہ کی سرچنگ کے وارنٹ حاصل کیے، شیر کی دیکھ بھال کے لئے رکھا گیا ملازم رخسار احمد موقع سے فرار ہو گیا، وائلڈ لائف ترمیمی ایکٹ 2025کے تحت کھال شیر بغیر رجسٹریشن،لائسنس رکھنا قانونی جرم ہے۔مقدمہ کے مطابق ملزمان نے وائلڈ لائف ایکٹ کی دفعات 9,12,14,28,21،10کی خلاف ورزی کی ہے، محکمہ وائلڈ لائف نے کھال شیر بیول کے علاقہ میں رہائش گاہ سے برآمد کیا ۔
