وسطی افریقا کے ایک اسکول میں بھگدڑ مچنے سے امتحان دینے والے 29 طالبعلم ہلاک

وسطی افریقا کے ایک اسکول میں بھگدڑ مچنے سے امتحان دینے والے 29 طالبعلم ہلاک ہوگئے ہیں۔اسکول میں بھگدڑ اُس وقت مچی جب اسکول کے قریب ایک دھماکے کے آواز سنی گئی تھی۔ یہ دھماکہ بجلی کے ٹرانسفارمر میں ہوا تھا۔ دھماکے کی آواز اور دھوئیں سے اسکول میں موجود 6 ہزار طالبعلموں میں خوف و ہراس پھیل گیا۔سب اِدھر اُدھر بھاگنے لگے خارجی دروازہ چھوٹا ہونے کے باعث بھگدڑ مچ گئی جس کے نتیجے میں 29 بچے مارے گئے جبکہ 280 زخمی ہوگئے۔ وسطی افریقا کے صدر نے ملک میں قومی سوگ کا اعلان کردیا۔