اکشے کمار کی’’ہاؤس فل 5 ‘‘کا جادو چل گیا،چار دنوں میں 100 کروڑ کلب میں شامل

بھارتی فلم انڈسٹری بالی ووڈ کے معروف اداکار اکشے کمار کی ’’ہاؤس فل 5 ‘‘ نے چار دنوں میں 100 کروڑ کلب میں شامل ہوگئی ہے جبکہ کمل ہاسن کی ’’ٹھگ لائف‘‘ 40کروڑ ہی کما سکی ۔ بھارت کے تمام سنیما گھروں میں ’’ہاؤس فل 5‘‘ کا جادو چھایا ہوا ہے۔ اکشے کمار، ابھیشیک بچن اور رتیش دیش مکھ کی اداکاری سے سجی فلم ’’ہاؤس فل5‘‘ نے ریلیز کے چار دنوں میں100؍ کروڑ کا ہندسہ پار کرلیا ہے۔ کامیڈی فلم نے گھریلو باکس آفس پر100کروڑ اور عالمی باکس آفس پر160کروڑ کا بزنس کیا ہے۔ فلم کے باکس آفس کو شیئر کرتے ہوئے بھارتی تجارتی تجزیہ کار نے لکھا کہ یہ ایک صدی ہے، 100ناٹ آؤٹ۔ ’’ہاؤس فل5‘‘ نے 100 کا اہم ہندسہ پارکرلیا۔ ملک کے تمام سنیما گھروں میں ’’ہاؤس فل 5‘‘ کا جادو چھایا ہوا ہے جس سے فلم کا کاروبار تیزی سے بڑھ رہا ہے۔ فلم نے جمعہ کو 24.35 کروڑ، ہفتے کے روز کو 32.38 کروڑ، اتوار کو 35.10 کروڑ اور پیر کو 13.5کروڑ کا کاروبار کرتے ہوئے مجموعی طور پر14.98 کروڑ کا بزنس کیا۔ دوسری جانب ایک اور ریلیز ہونے والی دوسری بڑی فلم ’’ٹھگ لائف‘‘ بری طرح فلاپ ہوگئی۔ منی رتنم کی ہدایتکاری میں بنی اور کمل ہاسن کے مرکزی کردار والی اس فلم نے بھارت میں اب تک 40.75 کروڑ اور عالمی سطح پر78.50؍ کروڑ کا کاروبار کیا ہے۔ کمل ہاسن کی گزشتہ سال ریلیز ہونے والی ’’انڈین 2‘‘ بھی بری طرح فلاپ ہوئی تھی۔ اس طرح ’’ٹھگ لائف‘‘ اداکار کی مسلسل دوسری فلاپ فلم ثابت ہوئی ہے۔ تامل سپر اسٹار کمل ہاسن کی اگلی ریلیز ہونیوالی فلم اب ’’انڈین ۳‘‘ ہو گی۔