جاپان میں خوفناک زلزلہ، ریکٹر سکیل پر شدت 6.1 ریکارڈ

جاپان کے علاقے ہوکائیڈو میں 6.1 شدت کا خوفناک زلزلہ محسوس کیا گیا، تاحال کسی جانی یا مالی نقصان کی اطلاع نہیں ملی، سونامی وارننگ بھی جاری نہیں کی گئی۔ جاپان میں 31 مئی کی شام مقامی وقت کے مطابق 5 بج کر37 منٹ پر خوفناک زلزلہ آیا، جس کی شدت ریکٹر سکیل پر 6.1 ریکارڈ کی گئی۔جاپان کی موسمیاتی ایجنسی کی طرف سے جاری کردہ الرٹ کے مطابق زلزلے کا مرکز کوشیرو کے جنوب مشرق میں تھا جبکہ اس کی گہرائی 20 کلومیٹر ریکارڈ کی گئی۔زلزلے کے جھٹکے کوشیرو سٹی، کشیرو ٹاو¿ن اور شیبیچا ٹاو¿ن کے علاقوں میں محسوس کی گئی، زلزلے کو زیادہ سے زیادہ سکیل 7 میں سے 4 کا قرار دیا گیا ہے۔
جاپان براڈکاسٹنگ کارپوریشن (این ایچ کے) کی رپورٹس میں بتایا گیا ہے کہ زلزلے سے کئی علاقوں میں شدید جھٹکے محسوس کئے گئے تاہم ابھی تک کسی جانی یا مالی نقصان کی اطلاع نہیں ملی۔
ماہرین نے پہلے ہی جاپان میں ایک بڑے زلزلے کے امکان سے خبردار کیا تھا، جس کے نتیجے میں تباہ کن اثرات مرتب ہونے کے خدشات ہیں۔