نجکاری کیلئے پی آئی اے،سٹیٹ لائف انشورنس سمیت 10 اداروں کی فہرست فائنل

نجکاری کمیشن نے قومی ایئرلائن اور سٹیٹ لائف انشورنس سمیت 10 اداروں کو نجکاری کیلئے فائنل کرلیا۔ سینیٹ کی قائمہ کمیٹی برائے نجکاری کا سینیٹر افنان اللّٰہ کی زیر صدارت اجلاس ہوا، جس کے شرکاءکو نجکاری ڈویژن نے بریفنگ دی۔نجکاری کمیشن نے اجلاس میں نجکاری کےلئے فہرست میں موجود اداروں کے نام پیش کئے۔حکام نجکاری کمیشن نے اجلاس کے شرکاءکو بتایا کہ نجکاری والے اداروں کی فہرست کے فیز 1 میں 10 ادارے شامل ہیں، جن کی نجکاری 1 سال میں مکمل کرنی ہے۔حکام کے مطابق فیز 1 کی فہرست میں قومی ایئرلائن، سٹیٹ لائف انشورنس، یوٹیلیٹی سٹورز کارپوریشن،فرسٹ ویمن بینک ،آئیسکو، فیسکو، گیپکو، ہاﺅس بلڈنگ فنانس شامل ہیں۔ اداروں کی نجکاری کےلئے فائنل کی گئی فیز 1 کی فہرست میں پی ایم ڈی سی شامل نہیں ہے۔