rehber Logo

امریکی صدر ڈونلڈ ٹرمپ اور وزیر خارجہ مارکو روبیو کے امید افزا کے بیانات کے بعد امریکی اخبار نے بھی باخبر ذرائع سے بڑی پیشرفت کا دعویٰ کیا ہے۔امریکی اخبار واشنگٹن ٹائمز کی ایک خصوصی رپورٹ میں انکشاف کیا گیا ہے کہ امریکا اور ایران جنگ بندی معاہدے کے حتمی مسودے پر اتفاق کرچکے ہیں جس کا اعلان آئندہ 24 گھنٹے میں متوقع ہے۔ رپورٹ میں کہا گیا ہے کہ امریکا اور ایران کی جانب سے تمام محاذوں پر جاری جنگ کو ختم کرنے کے لیے اتوار تک ایک امن معاہدے کا مسودہ فریقین کی رضامندی سئے دنیا کے سامنے آجائے گا۔

یہ بات مذاکراتی عمل  سے واقف ایک قریبی ذرائع نے واشنگٹن پوسٹ کو نام نہ ظاہر کرنے کی شرط پر بتایا۔ ذرائع نے بتایا کہ مسودے پر اتفاق ہفتے کی صبح ہی ہوچکا ہے۔ بس اب باضابطہ اعلان باقی ہے۔ معاہدہ طے پاجانے کی صورت میں فروری کے آخری روز سے جاری اس جنگ کا خاتمہ ممکن ہے جب کہ چھ ہفتوں سے جاری سیز فائر کی حیثیت بھی مستقل ہوجائے گی۔

سی بی ایس کو انٹرویو میں امریکی صدر ڈونلڈ ٹرمپ نے کہا تھا کہ ثالث کار امریکا اور ایران میں معاہدے کو حتمی شکل دینے کےلیے قریب پہنچ گئے ہیں۔

امریکی وزیر خارجہ مارکو روبیو نے بھی کہا کہ توقع ہے ایران جنگ بندی اور تنازع کے خاتمے کے لیے معاہدہ آج ہی قبول کر لے گا۔ جس کے لیے پاکستان کا ثالثی کردار بہت اہم اور مثبت رہا ہے۔